O‘zbekiston Respublikasi Bosh vazir o‘rinbosari - Oila va xotin-qizlar qo‘mitasi raisi Z. Maxkamova rahbarligidagi delegatsiya ushbu forumda  ishtirok etdi. Z. Maxkamova o‘z ma’ruzasida mamlakatimizda ayollarning ijtimoiy-iqtisodiy hayotdagi roli, iqlim o‘zgarishiga moslashuvdagi ishtiroki hamda “yashil” iqtisodiyotni rivojlantirishga qo‘shayotgan hissasi haqida keng va batafsil ma’lumot berdi.

Shuningdek, xalqaro hamkorlikni yanada mustahkamlash maqsadida besh muhim taklif ilgari surildi, ular mintaqada barqaror va adolatli rivojlanishni ta’minlashga qaratilgan.

“Yashil, adolatli va barqaror dunyo — bu ayollar bilan va ayollar uchun barpo etilgan kelajakdir”, — deb ta’kidladi Bosh vazir o‘rinbosari.

Ushbu forum IXTning ekologik va ijtimoiy masalalariga bag‘ishlangan “ECO Week” tadbirlari doirasida ayollarning mintaqaviy barqaror rivojlanishdagi o‘rnini yanada kuchaytirishga xizmat qiladigan muhim xalqaro platformaga aylandi.